Kulturhuset Johansbuda
er eit sameige mellom Valderøy Frilynde Ungdomslag og Valderøy Historielag. Buda ligg sentralt ved hurtigbåtkaia på Valderøy med Valderhaugstrand Småbåthamn som næraste nabo. Frå Ålesund sentrum tek det berre 10 minutt, enten du kjem sjøvegen eller landevegen. Kartinformasjon klikk her.

Utleige av buda
Buda kan leigast ved å kontakte:
Odd Egil Valderhaug
på tlf 92 42 33 98.
E-post: odd.valderhaug@mimer.no

Johansbuda – kort historikk
Johansbuda vart bygd i 1954 av familien Valderhaug i Johansgarden på Valderøy. Dei eigde båtane Eljan, Real og Real 1 og buda vart derfor også kalla for Realbuda. Det vart bygd ei 35 meter lang kai i tilknyting til buda slik at rutebåtane kunne legge til her. Kaia er framleis intakt og er eit aktivum for huset, spesielt med tanke på småbåtflåten. Buda vart stort sett brukt til vegnhus for båtane, men på 80-talet var det innreia malarbutikk i buda. Seinare var det også lakserøykeri og potetskrelleri her.

Johansbuda innvendig.
1. etasje:
Her er ei stor vestibyle med setegrupper for 30 til 40 personar. I dette "vrimlearealet" er også ei teater-garderobe, toalett og eit kjøkken. Frå første etasje er det direkte utgang til kaia.

2. etasje:
Her er sjølve storsalen med scene. Med publikum sittande rundt småbord/langbord er her plass til mellom 80 og 90 personar. Dersom ein sit på kinorekkjer blir det sjølvsagt plass til fleire.

3. etasje:
Her er Valderøy Historielag sitt museum med utstillingane "Valderøy i krig 1940-45","Valderøy i 1905" og Fiskerutstilling og Fiskebåtgalleriet.